财神破损还可以供奉吗,新版全民捕鱼下载,bb电子账号后面是什么

UEA laboras ne nur por disvastigi Esperanton sed ankaŭ por veki diskuton pri la monda lingvoproblemo kaj atentigi pri la neceso de egaleco inter lingvoj.

Ĝia Statuto listigas jenajn kvar celojn:

• disvastigi la uzadon de la internacia lingvo Esperanto
• agadi por la solvo de la lingva problemo en internaciaj rilatoj kaj faciligi la internacian komunikadon
• plifaciligi la ĉiuspecajn spiritajn kaj materiajn rilatojn inter la homoj, malgraŭ diferencoj de nacieco, raso, sekso, religio, politiko aŭ lingvo
• kreskigi inter siaj membroj fortikan senton de solidaro, kaj disvolvi ĉe ili la komprenon kaj estimon por aliaj popoloj.

Speciala zorgo de UEA estas la disvastigo de Esperanto en landoj kaj mondopartoj kie ankoraŭ ne ekzistas memstara movado, kaj la ligado de aktivuloj en tiuj landoj kun la monda movado. Krome ĝi delonge reprezentas la Esperanto-movadon ĉe internaciaj instancoj kiel Unuiĝintaj Nacioj, Unesko, Konsilio de Europo k.a. UEA estas grava eldonejo, la ĉefa perpoŝta vendejo de Esperanto-libroj, kongresa sekretariejo kaj informcentro. Ĝi posedas gravan bibliotekon, kaj ĝia reto de aktivuloj estas la plej vasta kaj internacia en la movado.

Sed UEA estas multe pli ol nura serv-instanco. Ĝi estas ankaŭ movado kiu strebas al idealo: idealo de interhoma kompreniĝo kaj kunlaboro. Tio signifas, ke multaj el ĝiaj agadoj dependas de la libervola subteno de ĝiaj membroj: ili ne pagas sin mem, sed postulas donacojn kaj oferojn. Ĝi ankaŭ bezonas aktivajn kaj saĝajn homojn por plenumi tiujn agadojn.

Ne necesas havi iun titolon por kontribui al UEA. Vi povas tion fari en dekoj da manieroj, ofte tre simplaj. Regule donaci al fondaĵo. Akcepti kaj aktive plenumi la taskojn de delegito. Varbi pliajn individuajn membrojn inter viaj konatoj. Pagi la membrecon de amiko en nepagipova lando. Ligi vian klubon kun kluboj en aliaj landoj kaj kontinentoj. Diskutigi la agadon de UEA en via klubo aŭ landa asocio. Kunlabori kun Informa Fako, Centro de Esploro kaj Dokumentado, Terminologia Esperanto-Centro, aŭ aliĝinta faka asocio. Kaj tiel plu ...

Jam 69 jarojn la Centra Oficejo de UEA troviĝas en Rotterdam, Nederlando. Post ses jaroj en luita domo, en 1961 la Asocio aĉetis propran domon ĉe Nieuwe Binnenweg 176, kiun ĝi renovigis kaj pligrandigis en 1985-86 kaj 2005-08. En la kvar etaĝoj troviĝas kvin ĝeneralaj laborĉambroj, grafikejo, ekspedejo, komputilejo, libroservo, malgranda konferencejo, kuirejo kaj manĝejo, la Biblioteko Hector Hodler, arkivejo, kaj du dormoĉambroj por volontuloj. Entute temas pri dudeko da ĉambroj.

Kutime inter 7-9 homoj laboras en la Oficejo, ne ĉiuj plentempe. Inter la konstantaj postenoj troviĝas tiuj de la ?enerala direktoro, Konstanta Kongresa Sekretario, sekretario, du kontistoj, kompostisto kaj libroservisto. Aktuala listo de la oficistoj aperas en la pa?o Asocio.

Vizitantoj estas bonvenaj al la Oficejo, sed ili estas petataj anonci sin antaŭe.

Por subteni la laboron ĉe Unuiĝintaj Nacioj kaj Unesko, UEA ankaŭ havas oficejon en Novjorko, Usono. Plia oficejo - la Afrika - funkcias en Lokossa, Benino. Ties celo estas disvastigo kaj subtenado de Esperanto-movado en Afriko.